19.000 դրամով ո՞նց կարելի է ապրել, ո՞նց․ հաշմանդամ ազատամարտիկը հույս ունի, որ իր վարկերի տոկոսները կներվեն (ֆոտո, վիդեո)
Արարատի մարզի Նարեկ գյուղի բնակիչ Ատոմ Քարամյանն ազատամարտիկ է։ 90-ականներին մասնակցել է Արցախի և Հայաստանի սահմանամերձ շրջանների պաշտպանական գործողություններին։
Նա NEWSPRESS.am-ի հետ զրույցում պատմում է, թե ինչ դժվարությունների միջով է անցել մինչև հասել է այսօրվան․ կռիվ, բանտարկություն, զրկանքներ ու կյանքի հետ կռիվ, կորցրել առողջությունն ու մնացել ձեռնունայն։ Ազատամարտիկը պատշաճ ուշադրության չի արժանացել կառավարության կողմից։ Նա երկրորդ կարգի հաշմանդամություն ունի։ Ապրում է մոր և հարսի հետ, գոյատևում՝ 19.000 դրամ թոշակով։ Ասում է` բավականին շատ վարկեր ունի, ու չգիտի, թե ոնց է մարելու։
«Դե հիմա դուք ասեք՝ 19.000 դրամով ո՞նց կարելի է ապրել, հը՞ն, ո՞նց․ ես խնդրում եմ վարչապետին՝ մի բան անի, էս վիճակից դուրս գամ»,- ասում է Ատոմ Քարամյանը, ով հույս ունի, որ իր վարկերի տույժ ու տուգանքները կներվեն:
Մանրամասները՝ տեսանյութում․