«Խնդրում եմ, բարի մարդիկ, օգնեք ինձ փրկել մայրիկիս, իրենից բացի ոչ ոք չունեմ»․ 13-ամյա Արտակի մայրը սրտի անբավարարվածություն ունի (ֆոտո)
Նունե (Նինա) Աբրահամյանն իր 13-ամյա որդու՝ Արտակ Մարտիրոսյանի հետ ապրում է Երևանի Նոր-Նորքի 9-րդ զանգվածում։ Որքան էլ տարօրինակ հնչի մեր օրերի համար, մայրն ու որդին ապրում են վագոն-տնակում՝ Այգեգործների 39 հասցեում։
Կոմունալ նվազագույն հարմարություններից զուրկ ընտանիքն ապրում է Նունե Աբրահամյանի հաշմանդամության համար հատկացվող 16 000 դրամ թոշակով և 23 000 դրամ նպաստի հույսին։
Նունեն հիվանդ է․ նա սրտի բնածին արատ և թոքերի հետ կապված խնդիր ունի։ Շնչում է թթվածնային բալոնի միջոցով և գտնվում է բժիշկների հսկողության ներքո։ Բժիշկները Նունեին խորհուրդ են տվել մեկնել արտերկիր և բուժումը շարունակել այնտեղ։
«Ախր ես ինչպես կարող եմ մեկնել, երբ ապրում եմ սոցիալապես ծանր վիճակում․ ես չեմ կարող բուժում ստանալ, բայց չեմ էլ կարող չբուժվել, որովհետև որդի ունեմ և նրա համար պետք է ապրեմ»,- NEWSPRESS.am-ի հետ զրույցում ասում է Նունե Աբրահամյանն ու նշում, որ որդին՝ Արտակը, նույնպես հիվանդ է․ նա տառապում է «երևանյան» հիվանդությամբ:
Արտակն էլ իր հերթին է դիմում բոլորին․
«Խնդրում եմ, բարի մարդիկ, օգնեք ինձ փրկել մայրիկիս կյանքը։ Ես իրենից բացի ոչ ոք չունեմ․․․»։
Նկատենք, որ Նունե Աբրահամյանի բուժման ծախսերի համար բացվել են հաշվեհամարներ․
16079001690300 AMD VTB Bank
24100233956200 AMD Unibank
24100233956202 USD 24100233956201. EUR
Նունեին կարելի է զանգահարել նաև +37494996394 հեռախոսահամարով։