Արթուր Բաղդասարյանը ժամը 19:00-ին ֆեյսբուքյան ասուլիս կտա
«Օրինաց երկիր» կուսակցության նախագահ Արթուր Բաղդասարյանը ֆեյսբուքյան «Հանրային հնչեղություն ունեցող հարցերի ֆեյսբուքյան քննարկումներ» վերտառության իրադարձության հետևորդներին տեղեկացրել է, որ այսօր՝ հունիսի 20-ին, ժամը 19:00-21:00-ն նախատեսված է ֆեյսբուքյան ասուլիս:
«Հարգելի՛ բարեկամներ և ընկերներ,
Սիրելի՛ ժողովուրդ
Սիրով տեղեկացնում եմ, որ կազմակերպում ենք հանրային հնչեղություն ունեցող, և հրատապ լուծումներ պահանջող հարցերի շուրջ ֆեյսբուքյան քննարկումներ։ Խնդրում եմ իմ էջին ուղարկել Ձեզ հուզող ամենահրատապ երեք հարցերը, որոնց լուծումը դուք կարևորում եք։
Իմ կողմից երաշխավորում եմ այդ խնդիրներին համարժեք արձագանքումը, ինչպես նաև այն կդարձնենք օրակարգային մեր քաղաքական գործունեության մեջ՝ ներկայացնելով այն իշխանություններին, ապահովելով հարցի հանրայնացումը և քննարկումը, որի նպատակն է լինելու լուծումներ տալ Ձեր առաջադրած խնդիրներին։
Հնչեցված հարցերին պատասխաններ և մեկնաբություններ կտրվեն հունիսի 14-ին ժամը 15։00-18։00 ընկած ժամանակահատվածում, իսկ շաբաթվա ընթացքում կուտակված և Ձեր կողմից բարձրացված հարցերին կպատասխանեք հաջորդ ֆեյսբուքյան քննարկումների ընթացքում»,- ասված է համապատասխան հայտարարության մեջ: