Սերժ Սարգսյանը և Ռոբերտ Քոչարյանը զրկվել են Գյումրու պատվավոր քաղաքացու կոչումից
Այսօր Գյումրի համայնքի ավագանու նիստի ժամանակ Սերժ Սարգսյանը, Ռոբերտ Քոչարյանը և Սերժ Սարգսյանի եղբայրը` Լևոն Սարգսյանը, զրկվել են Գյումրու պատվավոր քաղաքացու կոչումից, այս մասին ԳԱԼԱ կուսակցության վարչության անդամ Արմենուհի Վարդանյանը գրառում է կատարել սոցցանցի իր էջում:
Նիստի օրակարգում ներառված էր նաև ԱԱԾ նախկին տնօրեն Գորիկ Հակոբյանին Գյումրու պատվավոր քաղաքացու կոչումից զրկելու հարցը, բայց քանի որ նա մահացել է, ավագանու անդամները դեմ են քվեարկել այդ որոշմանը: