Դուք հերոսաբար պաշտպանեցիք Հ1-ին. Իվետա Տոնոյանը՝ Ջանջուղազյանին (տեսանյութ)
Ազգային ժողովն այսօր քննարկում էր 2017թ. ՀՀ բյուջեի կատարման մասին տարեկան հաշվետվությունը:
«Ծառուկյան դաշինքի» պատգամավոր Իվետա Տոնոյանը հարցն ուղղեց Ֆինանսների նախարար Ատոմ Ջանջուղազյանին.
«Կրթության հանձնաժողովում բյուջեի կատարողականի քննարկման ժամանակ հարց հնչեցվեց Հանրային հեռուստաընկերությունում շուրջ 2 միլիարդ դրամի չարաշահումների վերաբերյալ: Իհարկե, Դուք համաձայն չէիք այդ ձևակերպմանը, ասացիք, որ բյուջեի տողերի փոփոխությամբ է պայմանավորված գումարի փոփոխության հետ կապված հարցը: Դուք, իհարկե, հերոսաբար այդ օրը պաշտպանեցիք Հանրային հեռուստաընկերության տնօրինությանը և նշեցիք, որ այդ գումարից ընդամենը 180 մլն-ն է ենթակա եղել բյուջե վերադարձին, և տնօրինության կողմից նշվեց, որ 180 մլն-ից հիմնավորվեց 8 մլն-ի վերադարձի մասին հարցը, որը շինարարական կազմակերպության հետ էր կապված»,- ասաց Տոնոյանը:
Նա հարց ուղղեց Ջանջուղազյանին, թե մնացած 170 մլն-ի չարաշահումները մասնավորապես ո՞ր ոլորտներին էին վերաբերում:
Պատգամավորը նաև հետաքրքրվեց այն լուրերով, ըստ որոնց՝ այդ գումարը վերադարձվել է բյուջե, սակայն այնուհետև պահուստային ֆոնդից կրկին հատկացվել է Հանրային հեռուստաընկերությանը:
Ֆինանսների նախարարի պատասխանն ու այլ մանրամասներ՝ տեսանյութում