«Սպայկա»-ի հերթական խարդախությունը՝ ծիրանի դաշտում (ֆոտո)
Հունիսի 1-ից սկսել է ծիրանի արտահանումը։ Ծիրան հիմնականում արտահանում է «Սպայկա» ընկերությունը և բազմաթիվ մասնավոր անհատ ձեռներեցներ, ովքեր ունեն բեռնատարներ։
Այս տարի ծիրանի բերքն առատ է. բացի եղանակային բարենպաստ պայմաններից, ավելացել են նաև ծիրանի այգիների տարածքները՝ լինելով եկամտաբեր թե՛ արտահանողների, թե՛ այգիների սեփականատերերի համար: Ծիրանը հատկապես ռուսական շուկայում ունի իր կայուն տեղը և բարձր գինը։
Մասնավոր ընկերությունները, սովորաբար, արտահանում են լավագույն ծիրանը, քանի որ իրենք են պատասխանատու բերքի համար, իսկ «Սպայկա»-ն, հատկապես այս տարի, արտահանում է անգամ մանր ծիրանները. միայն թե վնասված կամ խիստ հասած չլինեն։
Այս տարի ծիրանի մեկ կգ-ը սկսել է 500 դրամից, իսկ նախորդ տարիներին անգամ 1500 դրամ են վճարել վաղ հասնող ծիրանների համար։
Այժմ ծիրանի գինը 500-ից հասել է 200 դրամի, էժան գնով հիմնականում «Սպայկա» ընկերությունն է ծիրան վերցնում, սակայն ինչպես նշեցինք, գրեթե ողջ ծիրանն արտահանում է։
Սակայն այնպես չէ, որ «Սպայկա»-ն մտածում է, որ ծիրանն այգիներում չմնա կամ մեկ հատիկ չկորչի, պարզապես այս ընկերությունը Կրասնոդարի հայտնի շուկայում ունի մենաշնորհ և ողջ ծիրանը կարող է իրացնել. դրա համար կան համապատասխան ռեսուրսներ։ Նախորդ տարիներին «Սպայկա»-ի հետ աշխատելը դժվար էր, քանի որ արտահանման շուկայում գրեթե մենաշնորհ է. ընկերությունը և՛ գին էր թելադրում, և՛ այլ պահանջներ, այժմ չի կարողանում սեփական «ես»-ը թելադրել: Թեև դեռևս ազդում է գնի վրա, սակայն ծիրանի այգետերերին խաբում է այլ մեթոդներով։
Ծիրանը «Սպայկա»-ն արտահանում է կա՛մ 5, կա՛մ 10 կգ-անոց արկղերով: 5 կգ դատարկ արկղը կշռում է մոտ 300 գրամ, իսկ 10 կգ տարողությամբ դատարկ արկղը՝ 450 գրամ, սակայն յուրաքանչյուր արկղը «Սպայկա»-ն հաշվում է մեկ կգ, ինչն է առաջացրել է այգետերերի արդարացի զայրույթը։ Եթե յուրաքանչյուր արկղից նա այգետերերին մինչև 700 գրամ խաբում է, մեկ բեռնատարի հաշվարկով դա հսկայական թիվ է կազմում, իսկ այգետերերը նույնքան կորուստ են ունենում։
Դժգոհությունների դեպքում՝ «Սպայկա»-ի աշխատակիցներն ասում են, որ իրենց հանձնարարված է մեկ արկղը հաշվել 1 կգ, իսկ թե ով է հրահանգել՝ ոչ մի խոսք։ Իսկ եթե խնդիրը խորանում է, «Սպայկա»-ն սպառնում է, որ ծիրանը չի տանի, որի դեպքում արագ հասնող պտուղը կմնա այգետիրոջը, իսկ այդքան շուտ արտահանող գտնել, այն էլ՝ եռուն սեզոնին, դժվար է. ծիրանը պարզապես կփչանա։
Պարզապես «Սպայկա»-ի աշխատակիցներն օգտվում են այգետերերի վիճակից, փորձում են առավելագույնը «պոկել» այգետերերից՝ նրանց կանգնեցնելով անելանելի վիճակի առջև։
Այգետերերը «Սպայկա»-ի հետ աշխատելու դեպքում իրենք են վճարում ծիրան քաղողներին և շարողներին, նրանք անգամ կասկածում են, որ «Սպայկա»-ի աշխատակիցները գումար են վերցնում ընկերությունից քաղողներ և շարողներ վարձելու համար ու գրպանում են գումարը: Իհարկե. սա ենթադրություն է, սակայն նման խոսակցություն կա։
Այնպես որ՝ ծիրանի արտահանումն առաջին հայացքից է հեշտ ու հարթ ընթանում՝ խորքում բազմաթիվ խնդիրներ կան, որոնք ո՛չ օրենսդրական, ո՛չ էլ հատկապես գյուղնախարարության կողմից չեն համակարգվում․ արդյունքում տուժում են գյուղաբնակները։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
