Ուզբեկստանցին, ով նախորդ տարի ահաբեկչություն էր իրականացրել, դատապարտվեց ցմահ ազատազրկման
Ծնունդով ուզբեկստանցի Ռախմատ Ակիլովը, ով նախորդ տարի Ստոկհոլմում վրաերթի էր ենթարկել հինգ մարդու, դատապարտվել է ցմահ ազատազրկման: 2017 թվականի ապրիլին, Ակիլովը, գողացված բեռնատարը վարել էր մայթեզրին կանգնած մարդկանց ուղղությամբ, որի հետևանքով հինգ հոգի վրաերթի էին ենթարկվել:
Բեռնատարում հայտնաբերվել էր նաև պայթուցիկ սարք, որը բարեբախտաբար չէր պայթել, ինչպես նախատեսել էր ահաբեկիչը: Մինչ հարձակում գործելը, Ուզբեկստանցի փախստականն իր աջակցությունն էր հայտնել այսպես կոչված «Իսլամական պետություն» ահաբեկչական խմբավորմանը։
Սակայն վերջինս պաշտոնապես չհաստատեց, որ Ակիլովն իր հրամանով է գործել:
Վրաերթից հետո Ակիլովը փախուստի էր դիմել, սակայն ոստիկանությունը շատ շուտ նրան հայտնաբերեց: