Ուզում ենք ապրել որպես ՀՀ արժանապատիվ քաղաքացիներ․ «Հայփոստ»-ի աշխատակիցների բաց նամակը՝ Նիկոլ Փաշինյանին
«Հայփոստ» ՓԲԸ-ի աշխատակիցները բաց նամակով դիմել են վարչապետ Նիկոլ Փաշինյանին։ Նամակում մասնավորապես գրված է․
«Մեծարգո վարչապետ՝ պարոն Փաշինյան,
Քաջ գիտակցելով Ձեր զբաղվածության աստիճանը՝ դիմում ենք խնդրանքով և հայցում Ձեր աջակցությունը:
Մենք՝ Սյունիքի մարզի «Հայփոստ» ՓԲԸ-ի աշխատակիցներս, դիմում ենք Ձեզ, գրում այս հուսահատ տողերը և ակնկալում ստանալ հարցի դրական լուծում: Մարզ, որի ժողովուրդը տարիներ շարունակ ապրել է պատերազմի ահուսարսափի մեջ, որտեղ անօգնական և գործազուրկ մարդկանց թիվ ու համրանք չկա, գերակշռող մասը կազմում են թոշակառուներ ու նպաստառուներ, որոնց ծառայությունները կատարվում են «Հայփոստ» ՓԲԸ-ում: Մեր ծառայությունները մշակված են այնպես, որ օգնենք ընկերությանը կրճատել ծախսերը, խնայել ժամանակը և ստանալ առավելագույն արդյունք, ինչի շնորհիվ կարողանում ենք ձեռք բերել և պահել հավատարիմ հաճախորդներ և այդ ամենը նվազագույն աշխատավարձի՝ 54.354 դրամի դիմաց:
Սա այն աշխատավարձն է, որ մենք նվաստացած և վիրավորված ենք զգում մեր մատուցած ծառայությունների դիմաց: «Հայփոստ» ՓԲԸ-ն, բացի փոստային ծառայություններից, ստիպված կատարում է նաև կոմերցիոն ապրանքների վաճառք՝ սկսած սննդամթերքից վերջացրած տնտեսական ապրանքներից և այլն…
Մեծարգո պարոն Վարչապետ, խնդրում ենք Ձեզ վերանայել մեր աշխատավարձը: Հնարավորության դեպքում՝ մինիմալ աշխատավարձը բարձրացնել այնքանով, որ մարդ գոնե կարողանա հոգալ մինիմալ ծախսերը: Մենք հուսով ենք որ հուսախաբ չենք լինի և մեզ շատ հուզող հարցին լուծում կտրվի:
Չէ՞ որ մենք էլ երեխաններ ունենք, ինչպես նաև մարզից դուրս ուսանողներ։ Ի վերջո, մենք էլ ենք ուզում ապրել որպես Հայաստանի Հանրապետության հպարտ ու արժանապատիվ քաղաքացիներ:
Հարգանքներով` Սյունիքի մարզի «Հայփոստ» ՓԲԸ-ի աշխատակիցներ»
Ինչպես և որտեղ է հայտնաբերվել 36 կիլոգրամ գողացված ոսկին, ինչ կապ ունի Զապի փեսան․ բացառիկ տեսանյութ...
Բերման են ենթարկել Լիլիթ Ավետիսյանին
Արմեն Չարչյանի հորեղբոր դուստրը մասնակցել է Աննա Հակոբյանի 1մլն դրամանոց բարեգործական ընթրիքին (լուս...
Տելեգրամով դպրոցներին վերաբերող սահմռկեցուցիչ հայտարարությունները բառացիորեն կեղծիքներ են, որոնք տար...
Փաշինյանի տարօրինակ շարժումները՝ ընդդիմադիրների ելույթների ժամանակ (տեսանյութ)
Վա՜յ, նայա հլա, ինչ բնությու՜ն, նայա՜,Փաշինյան ջան, մեռնեմ գլխուդ դխկ ու ցխկին. Խոպանչին ուղերձով դի...
Քրեական պատմություններով հայտնի նորատուսցի Արայի «յաշիկը» երթևեկում է հանդիպակաց գոտով (տեսանյութ)
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Ովքեր են մասնակցել Աննա Հակոբյանի «խորհրդավոր» ընթրիքին
Մարդիկ եկել էին սատարելու, որ սա մեր հայրենիքն է, և նահանջելու տեղ չկա․ «Տավուշը հանուն հայրենիքի»
