ԱԱԾ-ն լավ գիտի՝ ով է թալանել մեր երկիրը. Գագիկ Ծառուկյան (տեսանյութ)
Ծառուկյանին ստուգել են, ստուգելու են ու երբ ցանկանան՝ նրա դռնելը բաց են: Այդ մասին լրագրողների հետ զրույցում, ասաց ԲՀԿ նախագահ Գագիկ Ծառուկյանը՝ պատասխանելով դիտարկմանը, թե իշխանությունն իրեն պատկանող բոլոր հիմնարկներում ստուգումներ է կատարելու, ինքը նոր ստուգումների պատրա՞ստ է:
Գագիկ Ծառուկյանը նկատեց, որ մամուլի հրապարակումներից տպավորություն է ստեղծվում, թե ամենաարհեստական հարստացողն ինքն է, բոլոր մենաշնորհներն իրենն են. «Եթե Ծառուկյանը դրսից գումարներ չբերի, ապա իր կառույցներն այսօր «բանկրոտի» կգնան: ԱԱԾ-ն ներկայացրել է 350 անուն ապօրինի հարստացածների մասին: Իրենց մոտ բոլորի արած գործերը կան: Մեզ մոտ բաց է, ցանկացած պահի կարող են գալ, նայել»,- ասաց Ծառուկյանը:
Խոսելով ցեմենտի գործարանի մասին՝ Ծառուկյանը նշեց, որ եթե այդ գործարանին ինքը «տիրություն չանի», ապա շուրջ 1200 աշխատող առանց աշխատանքի կմնա:
Վերադառնալով մամուլի հրապարակումներին՝ ԲՀԿ առաջնորդը նշեց, որ դրանք ԱԱԾ-ին շեղելու փորձեր են, որոնք արդյունք չեն տա:
Մանրամասները՝ տեսանյութում