«Հայբիզնեսբանկի» խորհրդի նախագահ Գրիգորյանցը բանկի հաճախորդի անունով փողեր է լվացել․ տուժողի քույրն ահազանգում է (տեսանյութ)
Արդեն 6 ամիս է՝ կինոռեժիսոր Ստեփան Մարտիրոսյանի քույրը՝ Բեսի Մարտիրոսյանը, փորձում է օգնել եղբորը՝ դուրս գալ դատական գործընթացից։
NEWSPRESS.am-ի հետ զրույցում տեսակապի միջոցով Մարտիրոսյանը հայտնեց, որ նախկին նախագահ Սերժ Սարգսյանի ընկերոջը՝ Վիտալի Գրիգորյանցին պատկանող «Հայբիզնեսբանկի»-ի միջոցով կառավարությունը «մութ գործարքներ» է արել իր եղբոր անունով։
«Եղբայրս 1985 թվականից Հայաստանում չի բնակվում, ու բացառվում է, որ այն գործերը, որոնք վերագրում են իրեն և մեղադրում դրանց մեջ, նա արած լիներ։ Նա կինոռեժիսոր է և մեղադրվում է այն բանի համար, որ իբր ֆիլմեր նկարահանելու համար ավելի մեծ գումարներ է վերցրել, քան ծախս է արել»,- սրտնեղած ասում է կինն ու պարզաբանում, որ Վիտալի Գրիգորյանցն այդ գումարներն իր բանկի միջոցով դուրս է գրել և ուղղել սեփական շահերին։
«Գրիգորյանցին պետք էր մեկը, որի անվան հետ կարող էր կապել իր գործերը, և եղբայրս նրա զոհերից մեկը եղավ»,- ասում է Մարտիրոսյանը՝ հավելելով, որ իր եղբայրը միակ մարդը չէ, ում անունով փողեր են փոխանցվել՝ այլ նպատակներով։
Նա նշում է նաև, որ, եղբոր խոսքով, իր վրա այս գործը հարուցվել է Գրիգորյանցի ադրբեջանցի ընկերոջ կողմից։
Ստեփան Մարտիրոսյանի փաստաբան Դմիտրի Ռոշինն էլ նկատում է, որ անելու են ամեն ինչ, որ Մարտիրոսյանն արդարացվի, քանի որ ոչ մի լուրջ փաստ չկա, որ կխոսի նրա դեմ։
Մանրամասները՝ տեսանյութում․