Ակնա՞րկ, սո՞ւտ, գիտակցված քա՞լ, թե խելահեղ տրանսվեր․ Ի՞նչ է խոսել Նեյմարը Պեպ Գվարդիոլայի մասին
Նեյմար, Նեյմար, Նեյմար և Նեյմար։ Որքան էլ քննադատում են այս տղային, որքան էլ նրան չեն ընդունում, միևնույն է միջազգային սպորտային մամուլի առաջին էջերին այս տղան է։ Հիմա էլ Նեյմարը խոսել է Պեպ Գվարդիոլայի մասին ու նշել, որ շատ կուզեր խաղալ նրա գլխավորությամբ։
Այստեղ հստակ ակնարկ կա Մանչեսթեր Սիթի տեղափոխության մասին, քանի որ վերջին շաբաթներում մարել են խոսակցությունները Մադրիդի Ռեալ տեղափոխության հարցում։ Այս տղան եկավ ՊՍԺ, որ հաղթի Ոսկե գնդակն ու Չեմպիոնների լիգան, սակայն․․․
Սակայն իրականում հիմա նա մտածում է տեղափոխվել այնպիսի ակումբ, որտեղ շատ արագ կհաղթի Չեմպիոնների լիգան ու կստանա հնարավորություն պայքարելու Ոսկե գնդակի համար։ Բայց Սալլահը խառնեց ու ապագայում խառնելու է բոլոր խաղաքարտերը։
Մնում է միայն հասկանալ, թե այս ակնրակի մեջ ի՞նչ կա թաքնված։ Իսկ Մանչեսթեր Սիթին չի հրաժարվի Նեյմարի պես խաղացողից, սակայն Գվարդիոլայի համար հեղինակություններ չկան։ Ով վատն է, նա չի խաղալու։