Հին ու գեղեցիկ դռներ, որոնք Հին Երևանի կենդանի զարդն են (ֆոտոշարք)
Իմանալով Երևան քաղաքի տարիքը, պտտվելով քաղաքում ու տեսնելով, թե այդքան մեծ տարիք ունեցող քաղաքից ի՞նչ է մնացել՝ հասկանում ես, որ իրականում Հին Երևան այլևս գոյություն չունի։ Դրանք շենքերի ու խճճված փողոցների բակերում կանգուն մնացած մի քանի կիսաքանդ տներն են, լքված ու աղբավայրի վերածված մի քանի շենքերն ու Հին քաղաքի մասին հիշողությունները։
Քայլելով Երևանի ամենահին փողոցների բակերով՝ կարող ես տեսնել գեղեցիկ, փայտյա դռներ, որոնք դեռ կանգուն են, դեռ գեղեցիկ են ու խամրած քաղաքի անորոշ գույների մեջ մի իսկական լույս են։ Այդպիսի դռները քիչ են, քանի որ քիչ են նաև հին տներն ու շինությունները։
Մեր մայրաքաղաքը շարունակում է բարեկարգվել ու այդ բարեկարգման հետ մեկտեղ վերանում են նաև գեղեցիկ դռները։ Այդ դռները հիացնում են բոլորին իրենց գեղեցկությամբ, սակայն․․․․
Սակայն իրականում այդ դռների մեծ մասը փակ են ու կողպված։ Նրանք շարունակում են լինել կենդանի ու գեղեցիկ, սակայն կողպված։