ԱՊԼ պատմության նոր ռեկորդի հեղինակը Մուհամմեդ Սալլահն է
Ֆուտբոլային մասնագետներն արդեն հիմա նշում են, որ անկախ ամեն ինչից, թե ինչ զարգացումներ կլինեն ֆուտբոլի աշխարհի առաջնության ժամանակ, «Ոսկե գնդակը» պիտի ուղևորվի Եգիպտոս՝ Սալլահի մոտ։
Այս խոսակցությունների հետ մեկտեղ եգիպտացին շարունակում է ֆանտաստիկ խաղ խաղալ։ Հետաքրքրական է, որ Սալլահին նվիրված ֆուտբոլային տեսանյութերում բոլոր մեկնաբանները նշում են «անմարդկային Սալլահ» բառակապակցությունը, որը նորություն է ֆուտբոլային աշխարհի համար՝ Լիոնել Մեսսիի «այլմոլորակային» կոչումից հետո։
Ու անսովոր է նաև այն, որ այս տարի ֆուտբոլային աշխարհում չի հնչում Լիոնել Մեսսի անուն ազգանունը, այլ հնչում է Մուհամմեդ Սալլահ անունը։ Արդեն երեկ եգիպտացին նոր ռեկորդ սահմանեց ոչ միայն իր համար, այլ նաև ԱՊԼ պատմության մեջ։
Մուհամմեդ Սալլահը դարձավ առաջին ֆուտբոլիստն ԱՊԼ պատմության մեջ, որ ԱՊԼ-ի առաջնությունում խփեց 32 գնդակ։
Հավելենք նաև, որ ավելի վաղ Սալլահը ճանաչվեց Անգլիայի պրեմիեր լիգայի լավագույն ֆուտբոլիստ։