Նիկոլ Փաշինյանը կարծիքը փոխել է ԵԱՏՄ-ի մասին. ՌԴ-ին փշի-փշի է անում
Նախկինում, որպես ընդդիմադիր գործիչ՝ Նիկոլ Փաշինյանը դեմ էր, որ Հայաստանը մնա Եվրասիական տնտեսական միության կազմում, և այս մոտեցումը, որպես ընդդիմադիր գործիչ, նրա համար միանշանակ էր:
Այսօր արդեն ՀՀ վարչապետի թեկնածու Նիկոլ Փաշինյանը կարծում է, որ Հայաստանը չպետք է դուրս գա ԵԱՏՄ-ից, քանի որ դա բխում է Հայաստանի շահերից:
Այսքան արագ փոխել կարծիքը մի կառույցի վերաբերյալ՝ նշանակում է, որ Փաշինյանին այժմ ձեռնտու չէ Ռուսաստանի հետ առճակատումը և այս պահին նրան պետք է ՌԴ-ին պարզապես ապացուցել, որ ՀՀ-ն ԵԱՏՄ-ից դուրս չի գա, թեև նա, որպես ընդդիմադիր, դա էր պահանջում և հանրության մի զգալի հատված նրան սատարում էր հենց դրա համար, նաև ընդդիմադիր դաշտից արտահայտած այդպիսի կարծիքների համար:
Վաղը Փաշինյանին գուցե սպասում է իշխանություն և արդեն Փաշինյանը ուրի՞շ երգ է երգում` ազգային, իշխանական, պետականությանը հարիր: է, որ այդպես էր՝ Սերժ Սարգսյանը ԵԱՏՄ-ի կողմնակից էր, միաժամանակ բանակցում էր Արևմուտքի հետ: Փոխեց Սահմանադրությունը, որ շարունակի ղեկավարել Հայաստանը, սակայն նույն այդ փոփոխված Սահմանադրությունը Փաշինյանին գուցե վաղը բերի իշխանության:
Հետևություն՝ Փաշինյանը պետք է շնորհակալ լինի Սերժ Սարգսյանին՝ նախ, որ այն գաղափարները և մոտեցումները, որ ՀՀ-ն որդեգրել էր, այդքան էլ վատը չէին, և այն քաղաքակնությունը նույնպես սխալ չէր կարծես թե, իսկ արգահատելի փոփոխված Սահմանադրությունը օգնելու է Փաշինյանին՝ ստանալ իշխանություն:
Մոտավորապես ստացվում է, որ Փաշինյանը մինչև հեղափոխություն այլ կարծիք ուներ ՀՀ-ի արտաքին քաղաքականության շուրջ, իսկ իշխանություն ստանալուց հետո` ուրիշ: Իսկ ինչպե՞ս է ստացվում, իշխանություններն են անհանգստանում երկրի ապագայի մասին, իսկ ընդդիմությունը, որ քննարդատում է իշխանություներին, ստացվում է, որ սխա՞լ էր: Այդպես է ստացվում:
Եթե ընդդիմադիր էր Փաշինյանն՝ ապազգային էր, երբ ցանկանում է իշխանութուն` ազգայի՞ն է:
Հետաքրքիր իրավիճակ է, իսկ ինչպես երկիրը կարող է դիտարկել մի անձնավորության՝ որպես ղեկավար, որը, որպես ընդդիմադիր՝ ապազգային մոտեցում ուներ, իսկ մեկ ոտքով արդեն իշխանության մեջ` ազգային:
Գուցե իշխանությունները իրենց ողջ կյանքում ազգային էին, իսկ ընդդիմադիրները` ապազգայի՞ն:
Ակնհայտ է, որ որպես ընդդիմադիր՝ Փաշինյանն այնքան էլ ազնիվ չէ, իսկ իշխանության շեմին` նույնպես: Իշխանություն վերցնելու համար, մեծ հաշվով, Փաշինյանին պետք է ՌԴ-ին հաճոյանալ, ինչն էլ անում է` փշի-փշի: