Կառլո Անչելոտին ու Անդրեա Պիռլոն Իտալիայի ազգային հավաքականի ղեկի՞ն
Իտալիայի ֆուտբոլի հավաքականի շուրջ ստեղծված անորոշ իրավիճակը շարունակում է մնալ ամենաքննարկվողներից մեկը եվրոպական ֆուտբոլում։ Շրջանառվում են մի շարք մարդկանց անուններ, ովքեր կարող են դառնալ հավաքականի գլխավոր մարզիչ։
Մինչև վերջերս շրջանառվում էին «Սևիլիա»-ի գլխավոր մարզիչ Վինչենցո Մոնտելայի, «Յուվենթուս»-ի գլխավոր մարզիչ Մասիմիլիանո Ալեգրիի, «Միլան»-ի նախկին լեգենդար ֆուտբոլիստ Պաոլո Մալդինիի անունները։ Իսկ արդեն հիմա շրջանառվում է Կառլո Անչելոտիի անունը։
Իտալական պարբերականների տեղեկացմամբ՝ Իտալիայի ֆուտբոլի ֆեդերացիան բանակցել է Կառլո Անչելոտիի հետ ու մոտ ապագայում նա կտա վերջնական պատասխան։
Նշվում է նաև, որ Անչելոտին իր մարզչական շտաբում ցանկանում է տեսնել նաև Անդրեա Պիռլոյին։