Էդմոն Մարուքյանը Սարգսյան-Փաշինյան հանդիպումից հետո կոչով դիմել է կողմերին (տեսանյութ)
Ազգային ժողովի «Ելք» խմբակցության պատգամավոր Էդմոն Մարուքյանը երեկվա հարցազրույցից հետո, որով երկու կողմին ցույց էր տալիս, որ կա երրորդ ճանապարհ, այսօր կրկին տեսաուղերձ է հղել Սերժ Սարգսյանին և Նիկոլ Փաշինյանին: Տեսաուղերձը հղել է նրանց հանդիպումից հետո: Ի դեպ, այդ հանդիպումը նա որակում է պատմական:
«Ես խնդրանք ունեմ՝ ես Ձեզ խնդրում եմ, պարո՛ն Սարգսյան, ես Ձեզ խնդրում եմ, պարո՛ն Փաշինյան, իմ լավ ընկեր, ես Ձեզ խնդրում եմ ևս մեկ անգամ հնարավորություն գտեք, խոսեք և տարբերակները քննարկեք: Մենք պետք է ամեն բան անենք, որ խուսափենք անդառնալի հետևանքներից»,- ասել է Մարուքյանը:
Մարուքյան հիշատակել է նաև Ստրասբուրգի մասին:
«Ակնհայտ է, որ Ստրասբուրգում Հայաստանի թեման լինելու է թիվ մեկ թեման, և իրավիճակն ու դեպքերի զարգացումն ակնհայտ է, որ լինելու է շատ վատ, եթե դուք չհանդիպեք: Ես ձեզ՝ երկուսիդ, կոչ եմ անում կրկին հանդիպել, և այդ հանդիպումը կարող է բազմաթիվ հարցեր լուծել: Միշտ հիշեք, որ կա երրորդ ճանապարհ: Ես ձեզ խնդրում եմ երրորդ ճանապարհի մասին խոսեք, այսինքն՝ երկու կողմի մաքսիմալիստական մոտեցումները պետք է մի-մի խազ իջեցվեն»,- ասել է Մարուքյանը: