«Ժամանակ». Տարոն Աճեմօղլուի աջակցությունը Հայաստանին հայրենասիրությունից չի բխում. նա իր աշխատանքը գ... 
«Փաստ». Իշխանափոխությո՞ւն, թե՞ տեղափոխություն. այս է խնդիրը 
«Հրապարակ». Ռուբեն Գևորգյանը վագրեր է պահում. Գեներալ Մանվելի վագրն էլ է ինքը տվել 
«Հրապարակ». Քաղավիացիայի երիտասարդ նախագահը հայերեն գրել-կարդալ չգիտի՞ 
«Փաստ». 6 հողամաս, 1 բնակարան և 3 մեքենա. Սևանի քաղաքապետի ունեցվածքը Էդմոն Մարուքյանը կուսակրոն է դառնալու
Այս թեմայով
- Ինչպե՞ս ու ի՞նչ էր պատասխանում Միքայել Հարությունյանը` Մարտի 1-ն ուսումնասիրող փաստահավաք խմբի հարցերին (տեսանյութ)
- «Սերժին, Ռոբերտին ու Լևոնին պիտի գնդակահարեն այնպես, ինչպես Նիկոլաե Չաուշեսկուին»․ Մարտի 1
- Մեքենաների ջարդ, թալան, կրակոցներ․ ի՞նչ էր կատարվում 2008 թվականի մարտի 1-ին, Մաշտոցի պողոտայում․ պատմում է ականատեսը
- Բազմաթիվ Էջմիածնեցիներիս հուշերում, որպես Սերժի համակարգի վերակացու, նշմարվեց Մանվել Գրիգորյանը. բաց նամակ՝ վարչապետին
Ազգային ժողովի «Ելք» խմբակցության պատգամավոր Էդմոն Մարուքյանը վարչապետի թեկնածու Սերժ Սարգսյանին ասել է՝ եթե ցուցարարներից մեկի քթից արյուն գա՝ դուք եք պատասխանատուն:
Մարուքյանի այս խոսքերն ուղղակի ծիծաղելի են, քանի որ 2008-ին, երբ իշխանությունը սպրդում էր Սերժ Սարգսյանի ձեռքից, Երևանում 10 մարդու արյուն թափվեց, բազմաթիվ վիրավորներ եղան և հանրության հիասթափություն:
Այժմ, երբ արդեն վիրավորներ կան, եթե անգամ նրանք ոստիկաներ են, որոնք, ի վերջո, հրաման կատարողներ են և գործիքներ, և որևէ մեկը վերջին հաշվով մեծ ուրախությամբ չի լվանում ՀՀԿ-ի լվացքը, Սերժ Սարգսյանը ներկայացնում է իր տեսլականը վարչապետության վերաբերյալ, ասես ոչինչ էլ չի եղել: Երեկվա վնասվածքների համար Սերժ Սարգսյանը պատասխան տվե՞ց, պարո'ն Մարուքյան, իհարկե, ոչ: 2008-ի համար Սերժ Սարգսյանը, Ռոբերտ Քոչարյանը, Հովիկ Աբրահամյանը և էլի շատերը պատասխան տվեցի՞ն՝ իհարկե ոչ:
Էլ ինչո՞ւ է որոշել Մարուքյանը բարոյախրատական ճառ կարդալ Սերժ Սարգսյանի գլխին, որ ընդդիմադի՞ր երևա:
Ինչպես ասում են սատանա տեսնելիս՝ Իսոս Քրիստոս:
Եվ հետաքրքիր է՝ Մարուքյանի բարոյախրատական ճառից Սերժ Սարգսյանը սթափվե՞ց և նախօրեի վիրավորների համար պատասխան տվե՞ց, թե՞ որոշեց չառաջադրվել ՀՀ նախագահի պաշտոնում, որը և տրանսֆորմացիայի է ենթարկել ու հետայսու կոչվելու է վարչապետ:
Կարճ ասած՝ իսկական կինո՝ ֆանտաստիկայի ժանրից, Մարուքյանի մեկնաբանմամբ:
Ի դեպ, այս օրերին շատերը, այդ թվում՝ կուսակցություններ, օրինակ՝ Դաշնակցությունը, մինչև վերջ քողազերծեցին իրենց և այն փոշեհատիկ հարգանքը, որ դեռևս մարմարում էր այս կուսակցության հանդեպ, այլևս չկա: Իսկ ինչ վերաբերում է տարուբերվող «Բարգավաճին», ապա այս կուսակցությունը երդվյալ իշխանական է, թեև ամեն անգամ նորանոր ընդդիմադիր անուններ, կոչումներ, լոզունգներ է փնտրում ընդդիմության սահմանից ներս ինչ-որ կոտրած աթոռ ապահովելու համար: Ընդդիմության ջարդած աթոռից «Բարգավաճը» ՀՀԿ-ի գլխին հովանոց է պահում՝ ապահով կերպով:
Վերադառնանք Մարուքյանի բարոյախրատաբանությանն առ Սերժ Սարգսյան: Երկար գրվում էր տողերն այս, սակայն այս ընթացքում ևս Սերժ Սարգսյանը ո՛չ 2008-ի զոհերի համար պատասխանատու եղավ, ո՛չ էլ նախօրեի ցուցարարների վերքերի համար:
Մարուքյան, առա՛ջ, դեպի բարոյախրատաբանական ճառեր, անգամ զանգ պետք չէ:
