Մոսկվայում հետիոտնային անցումները կլուսավորեն նոր տեխնոլոգիայով
Մոսկվայի ճանապարհային երթևեկության կենտրոնը հայտարարել է, որ բաժանմունքը պատրաստում է նորարարություն, որի շնորհիվ կլուսավորվեն հետիոտնային անցումները:
«Մենք պատրաստում ենք նոր տեխնիկական լուծում, որի շնորհիվ լուսավորվելու են հետիոտնային անցումները: Լուծումը կլինի ոչ միայն գեղեցիկ, այլ նաև էներգաարդյունավետ»,- Interfax-ի փոխանցմամբ՝ այսօր լրագրողների հետ հանդիպման ժամանակ ասել է ծառայության պետ Վադիմ Յուրևը:
Նա նաև ասել է, որ Մոսկվայում այս պահի դրությամբ լրացուցիչ լուսավորությամբ ապահովված է 68 հետիոտնային անցում:
«Մոսկվայում 68 հետիոտնային անցուղիներում լուսացույցները հագեցած են լրացուցիչ լուսավորությամբ, ինչը թույլ է տալիս նվազեցնել դժբախտ պատահարների թիվը և դրական ազդեցություն է ունեցել երթևեկության անվտանգության վրա»,-ասել է Յուրևը:
Ըստ նրա, երթևեկության լույսերի լրացուցիչ լուսավորության շնորհիվ հետիոտնային անցումներում վթարների թիվը նվազել է:
«Անցյալ տարի ընտրվել էին հինգ վթարային-վտանգավոր հետիոտնային անցումներ և լուսավորության շնորհիվ վրաերթերի թիվը հասել է զրոյի»,-ասել է Յուրևը:
Նա նաև ասել է, որ առաջիկա 1-2 տարվա ընթացքում նման համակարգ կներդրվի շուրջ100 անցումում: