Վիգեն Սարգսյանի հետ քավոր-սանիկ, Պատկերասրահի տնօրեն Արման Ծատուրյանից դժգոհ են
Պատկերասրահի տնօրեն Արման Ծատուրյանից պատկերասրահի աշխատակիցները դժգոհ են. Անգամ աշխատանքից ազատվածներ կան` միմիայն նրա ոչ պրոֆեսիոնալ պահվածքի պատճառով: Այս մասին NEWSPRESS.am-ին հայտնեցին պատկերասրահից` առանց բացահայտելու ով լինելը:
Աղբյուրը նշեց, որ Արման Ծատուրյանը վատ է վարվում աշխատակիցների հետ, նրանց չի ընդունում, իսկ նրանց հարցերին որևէ կերպ չի արձագանքում, անգամ եթե հարցերը կապված են Պատկերասրահի բնականոն աշխատանքի հետ:
Աշխատակիցները տեղյակ են, որ նա Պաշտպանության նախարար Վիգեն Սարգսյանի հետ քավոր-սանիկական կապի մեջ է, և այդ է պատճառը, որ նա «ընտրվեց» Պատկերասրահի տնօրեն: Նաև նրան է հանձնարարված վաճառել Ազգային պատկերասրահի շենքը` նոր տարածք տեղափոխվելու համար. նոր տարածքը, ըստ լուրերի, գտնվում է Մատենադարանի շրջակայքում:
Նշենք, որ արվեստագետների շրջանում անհայտ Արման Ծատուրյանն «օդից ընկավ» Ազգային պատկերասրահի գլխին և նրան «ընտրեցին» միայն Վիգեն Սարգսյանի հետ քավորական կապի պատճառով:
Ի դեպ, Արման Ծատուրյանն ինքը չի ժխտում, որ Պատկերասրահը նոր վայր է տեղափոխվելու, և ինչպես Հանրապետության հրապարակը շրջապատող բոլոր թանկ արժեցող գույքը պարզապես վաճառվում է, նույն ճակատագիրն է սպասում Ազգային պատկերասրահին:
Հիշեցնենք, որ Ցեղասպանության 100-րդ տարելիցի միջոցառումների կազմակերպիչը և գլխավոր տնօրենն Արման Ծատուրյանն էր, իսկ գլխավոր համակարգողը Վիգեն Սարգսյանը: