«Մենք առողջապահական համակարգ չունենք». Կարեն Թումանյանի վերջին գրառումը
«Հարթակ» կայքի պատասխանատու, թերթի գլխավոր խմբագիր «Աշխատավորների շահերի պաշտպանության շարժում» ՀԿ նախագահ, ՕԵԿ անդամ Կարեն Թումանյանը մարտի 18-ին մահացել է:
Նա ծանր հիվանդ էր: Կարեն Թումանյանը ֆեյսբուքյան իր էջում, մահվանից երկու օր առաջ՝ մարտի 16-ին գրառում էր արել՝ անդրադառնալով շքեղ հիվանդանոցների ներքին խնդրներին:
Նա մասնավորապես գրել էր.
«Հսկայական հիվանդանոցները կառուցում են, բայց «կոյկեքը» էլի հերթի տակ են: Ինչու պետք է ծանր հիվանդը սպասի, թե երբ է մեկը դուրս գրվելու, որ իրեն պառկեցնեն:
Մենք առողջապահական համակարգ չունենք, հակառակ դեպքում 21-րդ դարում նման բան նույնիսկ Զամբիայում չես պատկերացնի: Ինչու հիվանդը պետք է տանջվի ինչ է՝ տեղ չկա, է չկա՝ ավելացրե՛ք, նոր հիվանդասենյակներ կառուցե՛ք: Թե չէ արտաքին տեսքի վրա կարող եք միլիոնավոր գումարներ ծախսել, իսկ բուն էության ու առաքելության վրա ոչ...»
NEWSPRESS.am-ը ցավակցում է 53-ամյա լրագրող, հրապարակախոսի ընտանիքի անդամներին և հարազատներին՝ մեծ կորստի համար: