Մխիթարյանը վերածնվեց, իսկ Սանչեսը շարունակում է մնալ կոմայի մեջ․ Սուպերփոխանակումը՝ կշեռքի նժարների վրա
Սովորաբար, նոր ակումբ տեղափոխված ֆուտբոլիստների համար պետք է մի որոշ ժամանակ, որ նրանք համակերպվեն, կարողանան հասկանալ ու ըմբռնել թիմի փիլիսոփայությունն ու միաձուլվել թիմի ֆուտբոլիստների հետ։ Դեռ վաղ է խոսել, թե ով շահեց Մխիթարյանի ու Սանչեսի փոխանակումից, սակայն փաստերի դիմաց լռելն անհնար է։ Մինչ փոխանակումը, ֆուտբոլային վերլուծաբանները նշում էին, որ այս փոխանակումից կշահեն 2 կողմերն էլ։ Շատերը նախապատվությունը տալիս էին Սանչեսին ու նշում, որ նա իր կարիերայի գագաթնակետին կհասնի «Մանչեսթերում»։ Շտապել պետք չէ, սակայն հիմա պետք է նշել, որ այս գործարքից շահեցին «Արսենալը», Մխիթարյանն ու Արսեն Վենգերը։
Երեկ Մխիթարյանը հերթական փայլուն հանդիպումն անցկացրեց։ Նա ճանաչվեց հանդիպման լավագույն ֆուտբոլիստ։ Արդեն մի քանի հանդիպում է, ինչ Օբամեյանգ, Մխիթարյան ու Օզիլ եռյակը փայլում է։ «Միլանի» հետ հանդիպումից հետո լոնդոնյան թիմը վերգտել է իր խաղը։ Ֆուտբոլիստները խաղադաշտում գործում են վստահ ու վճռական։
Մխիթարյանն էլ իր հերթին կամաց-կամաց բացում է իր գոլերի թիվն «Արսենալի» կազմում։ Յուրաքանչյուր խաղից հետո վերլուծաբաններն ու Վենգերը նշում են, որ Հենրիխն օր օրի ավելի է լավանում։ Այդ ամենի հետ մեկտեղ վերականգնվում է մի որոշ ժամանակ ընդհատված Մխիթարյան-Օբամեյանգ դուետը։ Արդեն հիմա պետք է ասել, որ Հենրիխը կամաց-կամաց դառնում է «Արսենալի» գլխավոր ֆիգուրներից։
Իսկ կշեռքի հակառակ նժարին ծանրակշիռ թվացող Սանչեսն է, ով միայն քննադատվում է։ Շատերն այդ քննադատությունները կապում են Ժոզե Մոուրինյոյի հետ ու նշում, որ պորտուգալացին չի կարողանում լավ օգտագործել չիլիացուն։ Բայց մյուս կողմից պետք է նշել, որ Սանչեսի մոտ խաղային անկում է։ Նա հանդիպման ընթացքում չի կարողանում իրականացնել անցումներ, անգամ ճշգրիտ փոխանցումներ ևս չի կարողանում օգտագործել։ Սանչեսը սկսել է գնդակը կորցնել ավելի շատ։
Մոուրինյոն դեռ չի «բզկտում» Սանչեսին, սակայն հստակ երևում է, որ այսպես շարունակվելու դեպքում նա կկորցնի իր տեղը մեկնարկային կազմում։ Իսկ փոխարենը թիմում նոր մարդիկ են սկսում տոն տալ։ Պոգբայի ապագան նույնպես հարցականի տակ է։ Անգլիական սպորտային պարբերականները նշում են, որ թիմը պատրաստվում է տրանսֆերի հանել Մարսիալին։ Մյուս կողմից դանդաղ մոտենում է ամառային տրանսֆերային պատուհանը, որի ընթացքում «Մանչեսթերը» կփորձի ձեռք բերել թոփ հարձակվողի։ Իսկ «Արսենալում» տեղի կունենան մարզչական փոփոխություններ ու պաշտպանական գիծն ավելի կուժեղանա։
Իսկ փաստերը հստակ ցույց են տալիս, որ Սանչեսն իր նոր ակումբի հետ հաղթում է, սակայն անձնական ցուցանիշով չի տպավորում։ Իսկ Հենրիխի մասին խոսում է Վենգերը, խոսում են լուրջ վերլուծաբաններն ու հեղինակավոր սպորտային պարբերականները, թիմակիցներն ու երկրպագուները։ Արդեն հիմա վստահաբար կարելի է նշել, որ այս պահի դրությամբ այս սուպերփոխանակումից շահեցին Մխիթարյանն ու «Արսենալը»։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
