Սահուն սկսել եք կրկնակի ստանդարտների ու փաստերի քողարկման կիրառման պրակտիկա. բաց նամակ Փոստանջյանին
Վարդան Հակոբյանը ֆեյսբուքյան իր էջում գրել է
«Բաց նամակ Զարուհի Փոստանջյանին։
Հարգելի Զարուհի, երկար ժամանակ ձեռնպահ եմ մնացել որևէ կտրուկ արձագանքներից ձեր սկսած գործունեության վերաբերյալ, սկսած ձեր Ամերիկյան այցելությունների շեշտադրումներից, մինչև Սեֆիլյանին բ26֊ի պրոէկտ անվանելու փաստից։
Մեծագույն հարգանքով վերաբերվելով ձեր անցած ճանապարհին և նախկին համագործակցություններին ուզում եմ արձանագրել, որ մեծ ափսոսանքով եմ նայում, թե ինչպես եք փոշիացնում քաղաքական այն կապիտալը, որը կուտակել եք անցնելով շատ բարդ ու վտանգներով լի ճանապարհ։ Ընկերական պարտքս եմ համարում նկատել, որ սահուն սկսել եք կրկնակի ստանդարտների ու փաստերի քողարկման կիրառման պրակտիկա, որը չի կարող վրիպել սրտացավ ու սթափ աչքերից։ Վստահ եմ, որ նույն ափսոսանքն են ապրում իմ ընկերները, որոնք գտնվում են անազատության մեջ։ Դուք էլ շատ լավ գիտեք, թե ինչ մեծ հարգանք եք վայելել մեր ընդհանուր պայքարի մեջ ինքնամոռաց նետված զինակիցների շրջանում։
Իմ և իրենց անունից կոչ եմ անում վերադառնալ ձեր նախկին տեսակին, որի հետ պատրաստ էինք անզիջում պայքարի նետվել նենգ թշնամու դեմ։ Մեծ ափսոսանք կարպենք, եթե շարունակելով նեղ խմբակային ֆորմատի գործունեությունը վնաս հասցնեք ձեզ և ընդհանուր գործին։ Ես անձամբ հակված չեմ հարվածելու, կամ անցնելու ձեզ անողոք քննադատողների շարքերը։ Առանց ինձ էլ դրա պակասը չի զգացվում։ Նորից առաջարկում եմ վերանայել վերջին շրջանի ձեր գործունեությունը, և կշեռքի նժարի վրա դնել այն։ Տարիներով կուտակած հեղինակությունը կարող է հաշված օրերում փոշիանալ, որի համար շատ կափսոսենք բոլորս։ Առանց այդ էլ հեղինակությունները շատ քիչ են մնացել։ Հույսով եմ եղբայրական դիտարկումներս ադեկվատ կընդունվեն։ Պատասխանի ակնկալիք չունեմ, գործն է կարևոր»։