Բանջարեղենը և հրուշակեղենն էժանացել են
2018 թվականի փետրվարին հունվարի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 1.2% գնանկում։
Բանջարեղենի ապրանքախմբում 2018թ. փետրվարին 2017թ. փետրվարի համեմատ արձանագրվել է 4.2%, իսկ 2018թ. հունվարի համեմատ` 7.5% գնանկում:
Կաթնամթերքի, պանրի և ձվի ապրանքախմբում 2018թ. փետրվարին 2017թ. փետրվարի համեմատ արձանագրվել է 7.2% գնաճ, իսկ 2018թ. հունվարի համեմատ` 0.5% գնակում, ինչին մեծապես նպաստել է ձվի 3.1% գնանկումը:
Շաքարի և շաքարավազի ապրանքախմբում էլ այս տարվա փետրվարին 2017թ. փետրվարի համեմատ գրանցվել է 9.5%, իսկ 2018թ. հունվարի համեմատ՝ 0.4% գնանկում:
2018թ. փետրվարին հունվարի համեմատ հանրապետությունում արձանագրվել է նաև հրուշակեղենի 0.1% գնանկում, իսկ սուրճի, թեյի և կակաոյի ապրանքախմբում պահպանվել է գների նախորդ ամսվա մակարդակը:
Մսամթերքի ապրանքախմբում փետրվարին 2017թ. փետրվարի համեմատ գրանցվել է 14.1%, իսկ 2018թ. հունվարի համեմատ 1.0% գնաճ:
Ձկան և ծովամթերքի ապրանքախմբում էլ՝ արձանագրվել է 25.5%, իսկ 2018թ. հունվարի համեմատ` 0.9% գնաճ: