«Կինոյի տղան» հայտնվել է քաղաքապետարանում ու պայքարում է կին «ահաբեկիչների» դեմ․ Գոռ ամենազորի երևակայությունը
Այն, ինչ տեղի ունեցավ քաղաքապետարանում «Երկիր Ծիրանի» խմբակցության կանանց ու ՀՀԿ տղամարդկանց միջև, մինչ այսօր քննարկվել ու մեկնաբանվել է տարբեր կերպ։ Է՛լ սեռական բռնություն, է՛լ ահաբեկչություն, է՛լ խուլիգանություն․․․ մի խոսքով՝ ամոթալի երևույթ՝ ավելի քան ամոթալի ու զավեշտալի մեկնաբանություններով։
Յուրաքանչյուրն արդարացնելով իր կողմը՝ մինչ օրս տվել է ավելի անհեթեթ ու զավեշտալի մեկնաբանություններ, քան իր նախորդները։
«Կինոյի տղա»-ի՝ Գոռ Վարդանյանի որակմամբ, կատարվածն «ահաբեկչություն» էր, որն իրեն հաջողվեց ժամանակին կանխել։ Այս առնչությամբ նա մասնավորապես ասել է․
«Ես՝ որպես հակաահաբեկչության մասնագետ, մասամբ կանխեցի ահաբեկչությունը՝ «Երկիր Ծիրանի»-ի անդամներին հեռացնելով դահլիճից, դժվարությամբ, բայց հեռացրեցի»։
Փաստորեն, առանձնահատուկ երանգ տալով այս կինոյում իր դերին՝ Գոռ Վարդանյանը նաև ասել է, թե իր միջամտությամբ՝ ինքը և՛ ԵԾ-ին, և՛ ՀՀԿ-ին փրկել է վտանգից։ Իհարկե, ավելի ողորմելի ու զավեշտալի պատասխան թերևս չէր էլ կարելի ակնկալել։ Հատկապես մի տղամարդուց, ով կանանց կեղտաջրային ակցիան շփոթում է ահաբեկչության հետ։
Զավեշտն ու ողբերգությունը նաև այն է, թե ինչպես է Գոռ Վարդանյանը մանրամասնորեն բացատրում ու պարզաբանում քաղաքապետարանում տեղի ունեցածը։ Երևակայությանը զոռ տալով՝ նա տարր առ տարր, փուլ առ փուլ նկարագրում է կանանց կողմից կազմակերպված «պլան A-ն, պլան B-ն և պլան C-ն»։
Իհարկե, Գոռ Վարդանյանի պարագայում սա ներելի է՝ հաշվի առնելով այն հանգամանքը, որ նա մինչ օրս խաղացել է էժանագին սերիալներում, որտեղ պայքարել է թվացյալ թշնամիների ու ահաբեկիչների դեմ։ Հիմա չենք քննարկում, թե «կինոյի տղան» ինչ ճանապարհով կամ որտեղից-որտեղ է հայտնվել քաղաքապետարանում, որտեղ շարունակում է դեռ իրեն պատկերացնել որպես «կինոյի տղա», ով պետք է փրկի աշխարհը։
Եվ զարմանալի չէ, որ այսօր նա կատարվածը գնահատում է որպես ահաբեկչություն։ Գոռ Վարդանյանի համար պարզապես ամոթալի է և գետինը մտնելու աստիճան վիրավորական, խոստովանել, թեկուզ ինքն իրեն, որ իրականում «պայքարել է» ո՛չ թե ահաբեկիչների, այլ 3 կնոջ դեմ, որ նրանց ձեռքին ո՛չ թե զենք էր կամ թունաքիմիկատ, այլ կեղտաջրով լցված բանկաներ, որ փրկել է ո՛չ թե ավագանու անդամներին և ապահովել նրանց անվտանգությունը, այլ ընդամենը Տարոն Մարգարյանի թանկարժեք կոստյումը, այն էլ՝ կղանքից, ինչպես մի անգամ արդեն ասել ենք։
Ինչպե՞ս կարող է մի «հերոս» հաշտվել այն մտքին, որ իրականում իր պատկերացրածը ո՛չ թրիլլեր էր, ո՛չ էլ գոնե ամենասովորական մարտաֆիլմ։ Ինչպե՞ս հաշտվի նա այն մտքին, որ ինքը նիստերի դահլիճից դուրս է շպրտել ո՛չ թե հրեշների կամ ահաբեկիչների, այլ ամենասովորական կանանց։ Իհարկե, դժվար է հաշտվել նաև այն մտքին, որ ինքը ո՛չ թե հերոս ու կինոյի տղա, այլ սովորական կին ծեծող է։
Թեկուզ Գոռ Վարդանյանը չի ընդունում նաև այն, որ ինքը կին է ծեծել.
«Ես չեմ ծեծել, ես գրկել եմ․․․ »։
Ճիշտ է ասում Վարդանյան Գոռը, բայց մինչև վերջ չի ասում․ գրկել է ու շպրտել․․․ Կեցցե՛ ուժեղ տղան՝ Գոռ ամենազորը, ով համարձակություն ունի պայքարել կնոջ դեմ, իսկ ուժը ներում է գրկել ու նաև շպրտել կնոջը։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
Դիմում ենք դաշնակից ՌԴ իշխանություններին և բարեկամ ռուս ժողովրդին՝ խաղաղապահ զորախմբի դուրսբերման գո...
