Առաջին տիկինը Մգերի վիզը ծուռ թողեց
«Եվրատեսիլ-2018»-ում երկրորդ կիսաեզրափակչում թե՛ միջազգային ժյուրիի, թե՛ հանդիսատեսի կողմից ամենաբարձր միավորներն ստացավ Սևակ Խանաղյանը։ Ասել է թե՝ նա էլ Հայաստանը կներկայացնի «Եվրատեսիլ»-ում։ Սա, իհարկե, կարելի էր ակնկալել։ Սակայն այն, որ մինչ այդ պահը խոսվում էր Մգեր Արմենիայի հնարավոր «հաղթանակ»-ի մասին, շատերի զայրույթն էր առաջացրել։ Այս համատեքստում ամեն ինչ իր տեղն ընկավ եզրափակչից հետո, և ինչպես Սևակ Խանաղյանը նկատեց՝ ազնվությունը հաղթեց։
Թե ինչ է կոնկրետ ակնարկել երգիչն իր հայտարարությամբ, կարելի է մոտավորապես պատկերացնել, հատկապես երբ մինչ այդ շատ էր շահարկվում Մգեր Արմենիայի գործոնը։
Մգեր Արմենիայի անունը թերևս շոշափվում էր այն պատճառով, որ նա վայելում է առաջին տիկին Ռիտա Սարգսյանի հովանավորչությունը, ով երգչի վիզը ծուռ չէր թողնի։
Առաջին տիկնոջ հովանավորչությունն էր առիթը, թե ոչ, բայց Մգերի պրոդյուսեր Գեորգի Հարությունյանը մինչ այդ վստահություն էր հայտնել, որ Մգերը հաղթելու է։ Նա նաև ասել էր, որ ՀՀ վաստակավոր արտիստի կոչումը երգչին կօգնի հաղթանակի հասնելու ճանապարհին, որ Մգերն արդեն ստացված երգիչ է․․․ Մի խոսքով՝ նա ներկայացված 20 մասնակցի մեջ լավագույնն է ու այն միակը։
Սակայն միջազգային ժյուրին ու հանրությունը իրենց 12-ական բալերով ցույց տվեցին՝ ով ով է։
Սա իհարկե «շոկ»-ի մեջ է գցել և՛ Մգերին, և՛ նրա պրոդյուսերին, հատկապես այն բանից հետո, երբ վերոհիշյալ «կայացած, վաստակավոր արտիստի կոչում ստացած, ստացված» երգիչը միջազգային ժյուրիից ստացավ ընդամենը 1 միավոր։ Ծիծաղելի է, բայց փաստ։
Ու եթե մինչ այդ երգիչն ու պրոդյուսերը, չգիտես ինչից ոգևորված, հայտարարում էին, թե մրցույթն արդար է, այսօր նույնը չեն ասում, և մրցույթի արդարության հետ կապված կասկածներ ունեն։ Համենայնդեպս, Մգերի պրոդյուսերն ասել է, թե. «մենք մտածում էինք, որ արդար է մրցույթը, թե ի՛նչ կատարվեց վերջում` մենք դա չենք կարող իմանալ»։
Նա նաև ասել է, թե ոչ մեկից, առավել ևս՝ առաջին տիկնոջից, սպասելիքներ չեն ունեցել։
Հենց այս «նոտայի» վրա էլ կարելի է եզրակացնել, որ Մգերն, այնուամենայնիվ, «նեղացել» է առաջին տիկնոջից, քանի որ նա Մգերի վիզը ծուռ թողեց։
Ֆեյսբուքյան օգտատերերից մեկն էլ այդ մասին կատակել է՝ Մգեր Արմենիան իր երգացանկից կջնջի «Պեռվայա Լեդի» երգը։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Որտե՞ղ է սիթքոմներով ապրած ու իր խաղացած կերպարների տակ մնացած Հայկ Մարությանը
«Քո բոլոր ընկերները սա են նայում, իրենց ընտանիքները սա են նայում, պատկերացնո՞ւմ ես»․ Աննա Հակոբյանը՝...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ինչպես է Աննա Հակոբյանն ինքնամոռաց պարում «Ամառ» ռեստորանում (տեսանյութ)
