«Սպառողը 8-ը նմանեցրել է 9-ի»․ ՍԱՏՄ-ն՝ «Մարիաննա» ընկերության կաթի մասին
Որպեսզի ՀՀ սննդամթերքի անվտանության տեսչական մարմինը կարողանա ընթացք տալ բողոք-ահազանգին, անհրաժեշտ է ունենալ հստակ տվյալներ: Տեսչական մարմինը տեղեկացնում է․
«Այս մասին կրկին բարձրաձայնելու առիթը ԶԼՄ հրապարակումն է:
Այսպես՝ ՀՀ սննդամթերքի անվտանգության տեսչական մարմինը որպես ահազանգ է գրանցել oragir.am կայքի նյութն այն մասին, որ իրացման ցանցում վաճառվում է, այսպես կոչված, «ապագայի» սննդամթերք: Մասնավորապես՝ դեկտեմբերի 18-ին խանութում նկատել են դեկտեմբերի 19-ով թվագրված «Մարիաննա» ընկերության կաթ:
Նյութը հրապարակվել էր Ֆեյսբուք սոցիալական ցանցի օգտատիրոջ՝ քաղաքացի Մարտին Ամիրխանյանի, գրառման հիման վրա:
Տեսչական մարմինը կապ է հաստատել քաղաքացու հետ, որը կտրականապես հրաժարվել է հայտնել, թե 18.12.2023թ. որտե՞ղ է տեսել 19.12.2023 մակնշմամբ կաթը: Դա հնարավորություն չի տվել ձեռնարկել վերահսկողական գործողություններ, քանի որդրանք սկսելու համար բացակայել են անհրաժեշտ հիմքերը, հնարավոր չի եղել ապահովել հետագծելիությունը:
Այնուամենայնիվ կապ է հաստատվել «Մարիաննա» ընկերության հետ և ներկայացնել է խնդիրը: Ընկերության կողմից ուղարկված 19.12.2023թ. արտադրության լուսանկարի ուսումնասիրությամբ պարզվել է, որ թյուրիմացության առիթ է տվել տուփի անհարթ մակերես, ինչի պատճառով սպառողը 8-ը նմանեցրել է 9-ի։
Լրատվամիջոցը՝ oragir.am-ը, հրապարակել է նաև ՍԱՏՄ պարզաբանումը․
Դեպքը առիթ է ևս մեկ անգամ հիշեցնել-հորդորելու. եթե սննդամթերքի անվտանգության հետ կապված խախտում եք նկատում, զանգահարեք Տեսչական մարմնի 118 անվճար հեռախոսահամարով: Իսկ եթե նախընտրում եք խնդիրը հրապարակել սոցիալական ցանցում, նշեք Տեսչական մարմնին՝ խնդրին հնարավորինս արագ արձագանքելու համար:
Հիշեցնում ենք, որ բողոքին ընթացք տալու համար Տեսչական մարմինը պետք է ունենա հետևյալ հստակ տվյալները. ահազանգողի անուն-ազգանունը, հեռախոսահամարը, իրացման ցանցի (արտադրության, հանրային սննդի կետի) հասցեն, ե՞րբ է գնվել ապրանքը, ի՞նչ խախտում է արձանագրվել, նկար՝ խախտումը փաստող, կտրոն, եթե պահել եք (եթե չեք պահել, ցանկալի է նոր կտրոն նույն կամ ցանկացած այլ ապրանքի համար նույն խանութից՝ ՀՎՀՀ-ն ճշտելու նպատակով): Կարող եք նաև ներկայացնել գրավոր-ստորագրված դիմում-բողոք (կցելով անձնագիրը) ՍԱՏՄ պաշտոնական մեյլերին՝ [email protected] կամ [email protected], կամ այցելել Կոմիտաս 49/2»,-նշվում է հաղորդագրության մեջ։
«Տեղ ասեմ, արի արա». բիրտ ուժ կիրառող ոստիկանի կինը «բազար» է սարքել հրապարակման տակ (տեսանյութ)
Հանդա՛րտ մնացեք, տղե՛րք, ձեզ փչացնում են. Սրբազանը՝ ոստիկաններին (տեսանյութ)
Ռուբեն Հայրապետյանը հոգացել է ստենդավորման ծախսերը․ լրագրողը շնորհակալություն է հայտնել
«Տղե՛րք, ձեզնից ոչ ոք չի վախենում, հանդարտվե՛ք». Սրբազանը՝ կարմիրբերետավորներին (տեսանյութ)
Նիկոլ Փաշինյանի մամուլի խոսնակն արձագանքել է Սրբազանի պահանջին
Արտառոց դեպք՝ Կոտայքում․ տղամարդը մուտք է գործել ծանոթի բնակարան, ստիպել է մերկանալ ու սեռական հարաբ...
Հայաստանի պատմության մեջ այդպիսի խայտառակ դրվագ դեռ տեղի չի ունեցել. Բագրատ Սրբազանը՝ Արարատ Միրզոյա...
Ես ուզում եմ Հայրենիք և Պատիվ ունենալ. ես չեմ ուզում կյանքից նզովված մեկնել․ Սրբազանի խոսքը
Սիրելի հայեր, լրացրեք էսօրվա մարդահավաքը ձեր ներկայությամբ, ձեր ցավը տանեմ. Դավիթ Ամալյան
«Տանիքը արդեն ներսից քանդվում ա գլխներիս… Միրզոյանարարատին պարտադրվում են պայմաններ». Արտակ Զաքարյան
