1 միլիոն դրամ տուրքը տաքսի վարողներին չի վերաբերվում. Թունյանը պարզաբանեց
Ազգային ժողովում անցած շաբաթ «Ավտոմոբիլային տրանսպորտի մասին» օրենքում փոփոխություններ և լրացումներ կատարելու մասին նախագծի քննարկումից հետո թյուընկալում է եղել։ Այս մասին ԱԺ ամբիոնից հայտարարեց ՔՊ պատգամավոր, ԱԺ տնտեսական հարցերի հանձնաժողովի փոխնախագահ Բաբկեն Թունյանը։
Նա ընդգծեց, որ ընդունված նախագծով որոշակի փոփոխություններ են սահմանվում տաքսի ծառայությունների, մասնավորապես, առցանց տաքսիների համար։ Ըստ այդ փոփոխության, յուրաքանչյուր տաքսի շահագործողի համար 1 միլիոն դրամ տուրք է սահմանվում։ Սակայն այստեղ խնդիրն այն է, որ այդ 1 միլիոն դրամ տուրք սահմանվում է միայն օպերատորների համար տարեկան 1 անգամ։
«Վերջին 2-3 օրերի ընթացքում բազմաթիվ մեր գործընկերներ զանգահարել, գրել են այդ օրենքի հետ կապված: Թյուր ընկալում է եղել, որ մենք յուրաքանչյուր տաքսի շահագործողի համար 1 մլն դրամ տուրք ենք սահմանում: Ուզում եմ ասել՝ նման բան չկա: 1 մլն դրամ տուրք սահմանվում է միայն օպերատորների համար տարեկան մեկ անգամ: Իսկ յուրաքանչյուր տաքսի շահագործող ընդամենն իր ամեն պատվերից 2-3 տոկոսի չափով տուրք է վճարելու, որը ավտոմատ գանձվելու է: Այսինքն՝ այդ 1 մլն դրամ տուրքը մեր տաքսի վարող քաղաքացիներին չի վերաբերում: Նման խոսակցություններն իրականության հետ կապ չունեն»,-պարզաբանեց պատգամավորը։