Ինչո՞ւ պոռթկաց Միրզոյանը. պատկերացրեց որդո՞ւն, որ մեկ այլ տղայի ձեռք բռնած գալիս է տուն և ասում, թե ուզում է երեխա որդեգրել
ՀՀ Ազգային ժողովի նախագահ Արարատ Միրզոյանն այսօր, ինչպես ասում են, հերթական անգամ պայթեցրել է «պուպուշ-ցիվիլ» քաղաքական գործչի դիմակը:
Մարիխուանայի օրինականացման մասին երբեմնի «պայքարիստ» ԱԺ նախագահի մասին գրելու եմ իր բառապաշարով՝ սա ցուցական դերանունով, այնպես որ՝ խնդրում եմ մեղավորիս ներող լինել:
Հենց «սրա»-ով է նա խոսում ԱԺ պատգամավոր Գևորգ Պետրոսյանի մասին, հետո իհարկե, հասկանում սխալն ու դարձնում՝ Ձեր: Բայց միևնույնն է, եթե Միրզոյանը կորոշի մեզ հայոց լեզվի դաս տալ, թե սրա-ի կիրառությունը ճիշտ ու տեղին է, ապա կխնդրեմ նրան թեկուզ մեկ անգամ փորձի Փաշինյանի մասին, նրա ներկայությամբ սրա-ով խոսել: Չի կարող: Առավել քան վստահ եմ:
Ուրեմն, Արարատ Միրզոյանը (այսուհետ՝ սա), Ազգային ժողովի վերին ամբիոնին նստած իրեն Ազգային ժողովի տեր է կարծում, մտածում է՝ ԱԺ-ն հոր դուքյանն է, ինքն էլ ժողովրդի ամենանվիրական ընտրյալն է ու կարող է իրեն թույլ արհամարհական տոնով խոսել մեկ այլ, իր նման ազգընտիրի հետ:
Առնվազն տարակուսելի է Միրզոյանի վիրավորվելը Գևորգ Պետրոսյանին, քանի որ նա ընդմանեը հարցնում էր, թե մարդը, ով դեմ է քվեարկելու իր ներկայացրած օրենքի նախագծին, կուզե՞ր, որ իր ընտանիքում նման երևույթ տեղի ունենար: Իսկ այն ընդամենը նախատեսում է արգելել երեխա որդեգրել նույնասեռականներին: Սա վրդովվում է, թե՝ անձնավորում եք, մի հատ էլ քֆուր դրեք ու ընդհանրապես որոշում, որ պատգամավորին պետք է ձայնի իրավունքից զրկել: Ժողովրդի ձայնով, ավելի ստույգ՝ «դմփ-դմփ-հու» ձայնով իշխանությունն ու աթոռը զավթած Միրզոյանը ժողովրդի ձայներ ստացած պատգամավորին ուզում է զրկել ձայնի իրավունքից միակ իրեն անհաճո բաներ չլսելու համար:
Ուրեմն ինչո՞ւ վրդովվեց սա. պատկերացրեց, թե ինչպե՞ս է իր որդին մեկ այլ տղայի ձեռքը բռնած գալիս տուն ու ասում, որ որոշել է հայր դառնալ և երեխա որդեգրել, որովհետև Պետրոսյանն ասում էր, թե դեմ քվեարկողները կուզե՞ն...․․
Ցավոտ է, ինչ խոսք․․․ հատկապես եթե Միրզոյանը հոգու խորքում՝ թեկուզ մի փոքրիկ անկյունում իրականում համամիտ է Գևորգ Պետրոսյանի հետ, ու նրա նյարդերը տեղի տվեցին և պոռթկած միայն նրա համար, որ իրեն վերևից պարտադրված է դեմ քվեարկել, չընդունել օրենքը։ Գուցե նա մտքում երանի էր տալիս Պետրոսյանին, որ Պետրոսյաննն ազատ կարող է արտահայտել իր խոսքը, իսկ ինքը ոչ միայն չի կարող, այլև ստիպված է անել այն, ինչ հրահանգում են, ու մինչև անգամ դեմ գնալ իր սկզբունքներին․․․
Ի վերջո, նրան դեռ մի փորձություն էլ է պետք հաղթահարել․ վաղը-մյուս օրը Ստամբուլյան կոնվենցիա վավերացնելու հարց կա ու երևի վախենում է, թե կարող են հակասություններ առաջանան ու չստացվի հորով-մորով անել։ Ու դրա առաջին պատասխանատուն հենց ինքն է՝ իր ճաղատ գլխով:
Ռուսաստանի դեմ ակցիաներ անելը, դա սղղացնելն ու «ջրելը», հետո էլ ռուսների հետ «ախպերություն» անելը սա մի կերպ մարսեց, նույնասեռականների պաշտպանները հարցում ավելի կոշտ են ու գուցեև լարաահարոնյանները չներեն...
Արիանա Հովսեփյան
NEWSPRESS.am-ի հիմնադիր-տնօրեն