Մենք չենք մնում Մոսկվայի կամ մեկ ուրիշի կողքին, մենք Երևանում ենք. Մնացականյան
Մեր աշխարհը երկբեւեռ չէ, այն սև ու սպիտակ չէ. մեր արտաքին քաղաքականությունը հիմնված է մեր անվտանգության ճարտարապետության ամբողջականության ապահովման համար գործընկերային հարաբերությունների ամրապնդման վրա։ Այս մասին BBC լրատվական ծառայության Hard Talk հաղորդմանը տված հարցազրույցում՝ անդրադառնալով հարցին, թե արդյոք Հայաստանը շարունակելու է հարաբերություններ զարգացնել ԵՏՄ-ում, թե՞ շարժվելու է դեպի արեւմուտք՝ ԵՄ և ՆԱՏՕ, նշել է արտգործ նախարար Զոհրաբ Մնացականյանը։
«Դաշնակցային հարաբերություններ ունենք Ռուսաստանի հետ, որը մեր արտաքին քաղաքականության կարևոր ուղղվածություններից է։ Միասին աշխատում ենք ԵՏՄ, ՀԱՊԿ շրջանակներում։ Հավասարապես, Եվրամիությունն առանցքային կարևորություն ունեցող գործընկեր է, Հայաստանի ու տարածաշրջանի անվտանգության մատակարարող։ Հավասարապես, Միացյալ նահանգները շատ կարևոր գործընկեր են Հայաստանի համար»,-ասել է Մնացականյանը: