Հաստատվել է արտադպրոցական հաստատությունների մանկավարժական աշխատողների կամավոր ատեստավորման ժամանակացույցը

ՀՀ ԿԳՄՍ նախարարի հրամանով հաստատվել է պետական կամ համայնքային կազմակերպությունների արտադպրոցական ծրագրեր իրականացնող մանկավարժական աշխատողների 2024 թվականի կամավոր ատեստավորման ժամանակացույցը:

Մայիսի 18-ին ատեստավորումը կիրականացվի հետևյալ ուղղություններով՝

Դաշնամուր» (1-ին խումբ)- Երևանի թիվ 155 հիմնական դպրոցում

Դաշնամուր (2-րդ խումբ), սոլֆեջո, երաժշտական գրականություն (երաժշտության բաժին), երաժշտական գրագիտություն (պարարվեստի, թատերարվեստի բաժին) - Երևանի թիվ 190 ավագ դպրոցում

Քանոն, թառ, ուդ, քամանչա,  դհոլ, ջութակ, թավջութակ, դուդուկ, սրինգ, բլուլ,  շվի- Երևանի թիվ 6 հիմնական դպրոցում

Կերպարվեստի հիմունքներ և նկարչություն, գծանկար, գունանկար, կոմպոզիցիա, քանդակ, ծեփագործություն, կիրառական արվեստի հիմունքներ, գորգագործություն, կարպետագործություն, գոբելեն, խեցեգործություն, ասեղնագործություն, տիկնիկագործություն- Երևանի թիվ 135 հիմնական դպրոցում

Մայիսի 19-ին ատեստավորումը կիրականացվի հետևյալ ուղղություններով՝

Ծանրամարտ, աթլետիկա, հրաձգություն, կարատե- Երևանի թիվ 155 հիմնական դպրոց

Բասկետբոլ, սամբո, սեղանի թենիս, ազատ ոճի ըմբշամարտ-Երևանի թիվ  135 հիմնական դպրոց        

Բռնցքամարտ, հունահռոմեական ըմբշամարտ, ձյուդո, դահուկավազք- Երևանի թիվ  190 ավագ դպրոց        

Ատեստավորման օրը մանկավարժական աշխատողը քննական կենտրոն պետք  է ներկայանա  ժամը 10։00-ին՝ իր հետ ունենալով անձը հաստատող փաստաթուղթ: