PR-ի սիրահարները «վերին գաղափարներ» են երկնել
Ցավալի է, բայց փաստ՝ հայաստանյան «աստղիկները» շատ հաճախ PR-ի հետևից վազելով՝ չեն կարողանում սթափ գնահատել իրենց շուրջ ստեղծված իրավիճակը, իսկ դրա հետևանքով իրենց արձագանքն այս կամ այն իրողությանը՝ լինում է խիստ անադեկվատ՝ ծիծաղի առարկա դարձնելով նույն «աստղիկներին»:
Մինչ ամբողջ աշխարհն, իսկ Հայաստանն ու Ֆրանսիան, մասնավորապես, սգում և հրաժեշտ են տալիս աշխարհահռչակ շանսոնյե Շառլ Ազնավուրին, տարբեր հեռուստաէկրաններին ՝ (ԲՀԿ-ական, ՀՅԴ-ական) դեգերած և այդպես էլ ուրույն ձեռագիր չկերտած Լուսինե Բադալյանն, ով, ի դեպ, այդ դեգերումների արդյունքում հասավ Երևանի ավագանի, որպես ակունք իմաստնության՝ երկնել է.
«Իմ չափ չսիրեք Շարլ Ազնավուրին, ուղղակի ես կարծում եմ, որ սգո օր հայտարարելու փոխարեն` պետք էր հիշատակի օր հայտարարել: Համազգային սգո օր հայտարարում են այլ դեպքերում, որոնք, տա Աստված՝ չունենանք, իսկ փառահեղ կյանքով ապրած, 94 տարեկանում, կարելի է ասել, երջանիկ մահով մահացած մարդուն պետք է ճանապարհել հավուր պատշաճի, բայց ոչ` սգո օր հայտարարելով: Կարելի էր մի ամբողջ հիշատակի օր ունենալ, քաղաքը, երկիրը լցնել Շարլով, ամեն տարի այդ օրը նվիրել Շարլին, բայց դե մշակույթի կուրատորների խնդիր ունենք երկրում, որովհետև այս ոլորտում գոնե հաստատ ոչ ոք իր տեղում չէ` վերևից ներքև»:
Լուսինեն նախքան նման անբովանդակ գրառում անելը ճիշտ կաներ՝ զարկ տար հայերենի իմացությանը և սովորեր գրել ոչ թե ՇաՐլ այլ Շառլ, իսկ հետո էլ ուղեղին զոռ տար՝ գիտակցելու համար, որ դա նվազագույնն է, որ կարող է անել Հայաստանը նման մեծության համար. մեծություն, որին նաև հետմահու փառքի գագաթնակետին հասցրեց Ֆրանսիայի նախագահ Էմանուել Մակրոնը:
Իսկ եթե մի փոքր էլ երկար մտածեր Բադալյանը, կհասկանար, որ քաղաքականություն մտնելուց հետո պետք չէ իրեն ոչ հասու թեմաների վերաբերյալ ինքնադրսևորվել, ինչ է թե, մի քանի կայքի լրահոսում իր բարբաջանքը հայտնվի:
Ի դեպ, աշխարհահռչակ շանսոնյեի հաշվին ևս մեկ անգամ PR- վել է նաև Նազենի Հովհաննիսյանը:
Նա ևս երկնել է՝
«Ազնավուրը ՊԱՏՄԱԳՐՈՂ ԷՐ։
Ազնավուրը երբեք այդքան ԼՍԵԼԻ չէր եղել Հայաստանում, որքան իր մահից հետո։
Ազնավուրը. պետություն՝ պետության մեջ, մի ամբողջ դարաշրջան՝ դարի մեջ։
Մակրոնն ասաց.«Ֆրանսիայում պոետները չեն մեռնում... »
Երանի Հայաստանում էլ Պոետները չմեռնեն»,-գրել է Նազենին՝ գրառմանը կից տեղադրելով լանջաբաց և կրքոտ մի լուսանկար, որը փչացնում է նրա ոգեղեն գրառումը՝ այն դարձնելով էժանագին մի բան…
Լուսանկարները՝ Նազենի Հովհաննիսյանի և Լուսինե Բադալյանի ֆեյսբուքյան էջերից
Ինչպես է երեկ զինվորը կյանքից զրկվել․ նոր մանրամասներ
Անչափահասի հնարավոր սեռական շահագործման գործով NEWSPRESS-ի բացահայտումից հետո ՔԿ-ն քրեական վարույթ է...
Կյանքից հեռացած զինծառայող Նարեկ Թորոսյանը Չարենցավանից էր՝ տան միակ որդին
Մի քանի օրից կինոն սկսվելու է. Արթուր Դանիելյան
Հայաստանում մեկնարկում է ամենահնամյա «Թատերական Լոռի» 32-րդ միջազգային փառատոնը. կներկայացվեն 20 երկ...
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
Ովքեր են ՔՊ-ից ինքնաբացարկ հայտնել. անուններ
Արման Դավթյանը ձերբակալվել է առանձնապես խոշոր չափերով հարկեր չվճարելու մեղադրանքով դատարան ներկայացն...
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
Նատալյա Ռոտենբերգը հայցադիմում է ներկայացրել դատարան ընդդեմ Տիգրան Արզաքանցյանի որդու
