Մարիխուանայի, մարմնավաճառության, ԼԳԲՏ անձանց ամուսնության օրինականացում. Ալեն Սիմոնյանի 10 սկանդալային իրագործելիք նպատակները (լուսանկարներ)

Համացանցում սկսել է տարածվել «Իմ քայլը» դաշինքի ցուցակով, ինչպես նաև ռեյտինգային ընտրակարգով պատգամավորի թեկնածու առաջադրված՝ Ալեն Սիմոնյանի՝ 2017 թվականի հուլիսի 17-ի գրառումը: Գրառումը, որը կատարվել է նրա պաշտոնական էջում (տե՛ս անվան դիմաց Ֆեյսբուքի կողմից էջը հաստատող նշանը), Սիմոնյանը վերնագրել է՝ «Բաներ, որոնց փոփոխությունը Հայաստանում ժամանակի խնդիր է»: Իսկ այդ «բաները», ըստ նրա, հետևյալն են.

1. Մարիհուաննայի օրինականացում
2. Մարմնավաճառության օրինականացում
3 Պոռնկագրական նյութերի պատրաստում և տարածման օրինականացում
4.ԼԳԲՏ անձանց ամուսնության օրինականացում
5. Վիզաների վերացում՝ Հայաստանի ԱՄՆ-ի և Եվրոպական երկրների միջև
6.ՃՈ վերացում և մեկ միասնական ոստիկանություն
7.Հայաստան, Վրաստան, Ադրբեջան մեկ միասնական միջազգային կառույցների ստեղծում
8. պարտադիր զինակոչի վերացում։
9. ՀՀ դրամի դենոմինացիա( զերոների կրճատում)
10. Երևան քաղաքի ընդլայնում՝ իր մեջ ներառելով Աբովյան քաղաքը և Զվարթնոց օդանավակայանը

Հետաքրքրականն այստեղ գրառման մեկնաբանություններն են. մի տիկին դիտարկում է արել, թե Սիմոնյանը հանրային դեմք է և պետք է զգուշավոր լինի, ինչին ի պատասխան այն ժամանակ դեռևս ոչ պատգամավորը նաախ հեգնանքով է պատասխանել, հետո էլ գրել, թե հանրությունը միշտ չէ, որ ճիշտ է, որովհետև, ասենք, Ռուսաստանում Պուտինին 70 տոկոս ձայն է տալիս.

Գրառման մեկնաբանություններում Սիմոնյանը շարունակում է պնդել, որ ինքը ճիշտ է, իր ասածն ու անելիքները Հայաստանի օգտին են: Նա նույնիսկ կոչ է անում չքվեարկեն իրեն, որովհետև ինքն օրինական դաշտ է բերելու մարիհուանաի շուկան, մարմնավաճառության շուկան և պոռնկագրական նյութերը և պայքարելու է մարդու հավատքի և խղճի ազատության և բոլոր ազատություններիհամար։

Վերջում էլ, իբրև ասվածին ևս մեկ անգամ վերահաստատում. «Ես խոստանում եմ քեզ, որ անելու եմ ամենը ինչ վերևը գրված է, շարունակելու եմ պայքարելու յուրաքանչյուր մարդու իրավունքի և ազատության համար գեյ, աղանդավոր, ընդդիմադիր իշխանական պարսիկ, սև թե կանաչ և նույնիսկ քո համար։ Ոչ թե նրա պատճառով որ քո պես բարի եմ կամ լավը, ես դա եմ ճիշտ համարում։ Իսկ հիմա հաջողություն, խնդրում եմ ինձ զերծ պահել միջնադարյան կարծրատիպերից և դատողություններից, մակերեսային տեղեկություններից և ընդանրապես այս թեմաից։ Գնամ մտածեմ, ինչպես եմ արագ իրագորժում վորևում գրված 10 կետը»։

Եվ չնայած իր այս պնդումներին՝ Սիմոնյանը նախ նշում  է, որ սա Ելքի ծրագիրը չի, ապա նաև ինքն իր՝ վերևում բերված մեկնաբանություններին հակասող բան է ասում՝ «Ես ունեմ կարծիք և ասում եմ դա։ Էլ չեմ ասում սա իմ կարծիքը չէ, այլ այն ինչ ես համարում եմ անխուսափելի ես չեմ գրել, որ սա իմ կարծիքն է։ Խնդրում են գնահատականներ և խորհուրդներ շռայլելիս վստահ եղեք, որ ճիշտ եք հասկացել ինչ է գրված։ Սա իմ առաջարկը կամ ցանկությունները չէ, սա ըստ իս անխուսափելի լինելու է»,- մեկնաբանել է նա: