Նիկոլ Փաշինյանը կապ ունի հանցագործ աշխարհի հետ. Գուրգեն Եղիազարյանի փաստարկները

Այստեղ գալուց առաջ մի աղջնակ մոտեցավ, ինձ ասաց, որ ես զգուշանամ Նիկոլի օգնականից: Դրանք երկու եղբայր են, ես էլ հորը ճանաչում եմ: Այդ մասին այսօր ասուլիսի ժամանակ ասաց ԱԱԾ նախկին տնօրենի տեղակալ Գուրգեն Եղիազարյանը:

Նա դիմեց Նիկոլ Փաշինյանի օգնական Նաիրի Սարգսյանի եղբորը՝ պատգամավոր դարձած Հայկ Սարգսյանին. «Ուրեմն լսի, տղա ջան, Հայկո ա ոնց որ անունդ, լսի ինչ եմ ասում քեզ: Քո կարծիքով՝ ում հետ ման ես գալիս, ես չե՞մ իմանում՝ որ կլանն ա: Էդ ի՞նքն էլ չի իմանում՝ որ կլանն ա: Ինքը գիտի (նկատի ունի Նիկոլ Փաշինյանին):

4-5 տարի առաջ Ռուսաստանից մեկը ելույթ ունեցավ, Սերժ Սարգսյանին ինչ ասես՝ չասեց. Սերժ, ես քո սենցը, Սերժ, ես քո նենցը: Ընկերոջս հետ էինք նայում, ես ասացի, որ Սերժը կհասնի նրան, որ էս տղան ներողություն կխնդրի: Ես էդ օրը հաղթեցի, որովհետև նա ներղություն խնդրեց մեկ շաբաթ հետո: Նման մի կենդանի էլ, այդպես եմ անվանում էդ տղային, որովհետև էն լուտանքը, որ նա թափեց սրա գլխին, նա իրավունք չուներ, չնայած ի տարբերություն նրա՝ հեռախոսի համարը տվեց, ասեց՝ ուղարկի քո մարդկանց, ես հետները սենց կվարվեմ, նենց կվարվեմ, էս կանեմ, էն կանեմ: Ես ասեցի՝ մի շաբաթ հետո կհասնի գողականներին, ու նա ներողություն կխնդրի: Բայց սխալվեցի՝ երկու օր հետո ներողություն խնդրեց, ասեց՝ ինչ որ ասել եմ, իմ մայրն ա, իր սեփական մորը նույնիսկ հայհոյեց: Դա լինում ա մի դեպքում: Երբ որ առևանգում են զավակին, զենքը դնում են գլխին ու ասում են խոսի, հակառակ դեպքում էդ տղան՝ Վալերան՝ աչաջրցի, միայն սկիզբը ասեմ, թեթև ասեմ, ասեց՝ ես էլ քո պես շաշ եմ, իրանք նույն հող ու ջրի մարդիկ  էին, որովհետև բարեկամներին էլ գիտեր (ամենայն հավանականությամբ նկատի ունի հայտնի տեսանյութի իջևանցի Գարո անվամբ հերոսին): Երկու օր հետո ասեց՝ ինչ որ ասել եմ, թագավոր ջան, իմ մաման  ա: Ես ուղղակի ձեզ ասում եմ կապը հանցագործ աշխարհի հետ»:

Նիկոլ Փաշինյանի՝ հանցագործ աշխարհի հետ կապ ունենալու վերաբերյալ, Գուրգեն Եղիազարյանը ևս մեկ, իր կարծիքով, ապացույց ներկայացրեց: Դա Փաշինյանի ելույթն էր Ազգային ժողովում:

«Վերցրեք, նայեք նրա ձևակերպումներն Ազգային ժողովում, երբ որ նա խոսում ա հանցագործների մասին և ամենավերջում թույլ, կիսաբերան, ասում ա՝ կիլլերները: Էդ ի՞նչ  ա, կապ կա՞ արդեն, չերեզ Հայկո, կիլլերների հետ: Էդ քո շեշտադրությունը չի, դու չպիտի կիսաձայն ասեիր»,- ասաց Եղիազարյանը: