Վագիֆ Խաչատրյանին մեղադրանք է առաջադրվել ցեղասպանություն իրականացնելու, բռնի տեղահանելու հոդվածներով, նրան կտեղափոխեն Բաքու․ Ադրբեջանի դատախազություն
Ադրբեջանի դատախազությունը «պարզաբանում» է ներկիայացրել, որով հայտնել է, թե ինչու է ադրբեջանական կողմը Հակարիի կամրջին տեղադրված ապօրինի տեղադրված անցակետից առևանգել Արցախի քաղաքացի, բուժօգնության կարիք ունեցող և Կարմիր խաչով տեղափոխվող Վագիֆ Խաչատրյանին։
Ադրբեջանի դատախազության կողմից շարունակվում է հարուցված քրեական գործի քննությունը՝ Խոջալուի շրջանի Մեշալի գյուղում «հայկական ապօրինի զինված խմբավորումների» անդամների կողմից «ցեղասպանության», ազգությամբ ադրբեջանցի մարդկանց «տեղահանության», պետությանը պատկանող բազմաթիվ գույքի «ոչնչացման» և «վնասման» փաստերով»,- ասված է թշնամական երկրի գլխավոր դատախազության հաղորդագրության մեջ։
«Քննությամբ պարզվել է, որ 1991 թվականի դեկտեմբերի 22-ին, 1955 թվականին ծնված Ադրբեջանի քաղաքացին, Ասկերանի շրջանի Պատարա գյուղի բնակիչ Վագիֆ Չերքեզի Խաչատրյանը, վարորդ աշխատելով Խանքենդի (Ստեփանակերտ-խմբ․) քաղաքում, ազգությամբ հայ այլ քաղաքացիների հետ Մեշալի գյուղում, տարբեր տեսակի զենքերի օգնությամբ, այդ թվում՝ հրաձգային զենքով և ՀՄՄ-ով, իրականացրել են ռազմական հարձակում այդ գյուղում։ Սպանվել է 25 ադրբեջանցի, 14 մարդ ստացել է տարբեր աստիճանի մարմնական վնասվածք, 358 մարդ բռնի տեղահանվել է իր բնակության վայրից»,- ասված է Ադրբեջանի դատախազության հաղորդագրությունում։
«Բացի այդ, Վագիֆ Չերքեզի Խաչատուրյանը, շարունակելով համատեղ հանցավոր գործողությունները այն անձանց հետ, որոնց հետ նախկինում պայմանավորվել է, գյուղացիների պետությանը և գույքին պատճառել է 5.496.900 մանաթի ընդհանուր գումարի նյութական վնաս։ 2013 թվականի նոյեմբերի 12-ին որոշում է կայացվել Խաչատուրյանին Վագիֆին որպես մեղադրյալ ներգրավել ԱՀ ՔՕ 103 (ցեղասպանություն) և 107 (բնակչության բռնի տեղահանում կամ տեղափոխում) հոդվածներով, սակայն նրա գտնվելու վայրը հայտնի չի եղել քննությանը։ Դատարանի որոշմամբ խափանման միջոց է ընտրվել կալանավորումը՝ միջազգային հետախուզման հայտարարմամբ։
Կատարված որոնողական աշխատանքների արդյունքում 2023 թվականի հուլիսի 29-ին Վագիֆ Խաչատուրյանն ադրբեջանա-հայկական «պետական սահմանի» (չակերտները-NEWSPRESS.am) Լաչինի սահմանային անցակետից բերման է ենթարկվել պետական սահմանապահ ծառայության զինծառայողների կողմից՝ Կարմիր Խաչի միջազգային կոմիտեի միջոցով Հայաստանի Հանրապետություն մեկնելու փորձի ժամանակ։
Վագիֆ Խաչատուրյանը կտեղափոխվի Բաքվի բժշկական հաստատություն, կտրամադրվի անհրաժեշտ բուժօգնություն, ինչպես նաև պայմաններ կստեղծվեն ԿԽՄԿ ներկայացուցիչների կողմից նրան այցելելու համար։
Այս պահին ձեռնարկվում են անհրաժեշտ օպերատիվ-հետախուզական միջոցառումներ՝ քրեական գործով մյուս մեղադրյալներին պատասխանատվության ենթարկելու ուղղությամբ»։
«Տեղ ասեմ, արի արա». բիրտ ուժ կիրառող ոստիկանի կինը «բազար» է սարքել հրապարակման տակ (տեսանյութ)
Ռուբեն Հայրապետյանը հոգացել է ստենդավորման ծախսերը․ լրագրողը շնորհակալություն է հայտնել
Հանդա՛րտ մնացեք, տղե՛րք, ձեզ փչացնում են. Սրբազանը՝ ոստիկաններին (տեսանյութ)
Արտառոց դեպք՝ Կոտայքում․ տղամարդը մուտք է գործել ծանոթի բնակարան, ստիպել է մերկանալ ու սեռական հարաբ...
«Տղե՛րք, ձեզնից ոչ ոք չի վախենում, հանդարտվե՛ք». Սրբազանը՝ կարմիրբերետավորներին (տեսանյութ)
Հայաստանի պատմության մեջ այդպիսի խայտառակ դրվագ դեռ տեղի չի ունեցել. Բագրատ Սրբազանը՝ Արարատ Միրզոյա...
Սիրելի հայեր, լրացրեք էսօրվա մարդահավաքը ձեր ներկայությամբ, ձեր ցավը տանեմ. Դավիթ Ամալյան
Այս պայքարից հոգնելը մեզ կբերի ինքնաոչնչացման․ ուրեմն չենք հոգնում, չենք կոտրվում․ ԵՊՀ դասախոսի բաց ...
Պետական դավաճանության մեջ մեղադրվող պաշտպանյալս` Էրիկ Ալեյանը, արդարացվեց և դատարանի դահլիճից ազատ ա...
Մնում է արձանագրել մի փաստ որ այդ սարքավորումը տեղադրել և օգտագործել են լրիվ այլ մարդիկ, այլ ոչ թե ն...
